ਪੁਰੀ : ਭਾਰੀ ਭੀੜ ਕਾਰਨ 600 ਸ਼ਰਧਾਲੂ ਜ਼ਖ਼ਮੀ

ਪੁਰੀ , 27 ਜੂਨ - ਪੁਰੀ ਵਿਚ ਮਹਾਪ੍ਰਭੂ ਜਗਨਨਾਥ, ਭਗਵਾਨ ਬਲਭੱਦਰ ਅਤੇ ਦੇਵੀ ਸੁਭੱਦਰਾ ਦੇ ਰੱਥ ਯਾਤਰਾ ਉਤਸਵ ਦੌਰਾਨ ਭਾਰੀ ਭੀੜ ਕਾਰਨ 600 ਤੋਂ ਵੱਧ ਸ਼ਰਧਾਲੂਆਂ ਨੂੰ ਸੱਟਾਂ ਅਤੇ ਸਿਹਤ ਸਮੱਸਿਆਵਾਂ ਕਾਰਨ ਹਸਪਤਾਲ ਵਿਚ ਭਰਤੀ ਕਰਵਾਉਣਾ ਪਿਆ। ਇਸ ਕਾਰਨ ਰੱਥ ਯਾਤਰਾ ਵਿਚ ਕਾਫ਼ੀ ਦੇਰੀ ਹੋਈ, ਖਾਸ ਕਰਕੇ ਭਗਵਾਨ ਬਲਭੱਦਰ ਦੇ ਤਲਧਵਜ ਰੱਥ ਨੂੰ ਖਿੱਚਣ ਵਿਚ, ਜਿਸ ਕਾਰਨ ਹਫੜਾ-ਦਫੜੀ ਮਚ ਗਈ। ਰੱਥ ਯਾਤਰਾ ਦੇ ਰਸਤੇ ਵਿਚ ਇਕ ਮੋੜ 'ਤੇ ਰੱਥ ਨੂੰ ਖਿੱਚਣ ਵਿਚ ਬਹੁਤ ਮੁਸ਼ਕਲ ਆਈ, ਜਿਸ ਕਾਰਨ ਜਲੂਸ ਹੌਲੀ ਹੋ ਗਿਆ। ਰੱਥ ਦੇ ਰੁਕਣ ਕਾਰਨ ਵੱਡੀ ਗਿਣਤੀ ਵਿਚ ਸ਼ਰਧਾਲੂ ਮੌਕੇ 'ਤੇ ਇਕੱਠੇ ਹੋ ਗਏ ਤੇ ਇਹ ਹਫੜਾ -ਦਫੜੀ ਮਚਣ ਦੇ ਨਾਲ ਲੋਕ ਜ਼ਖਮੀ ਹੋ ਗਏ।