'ਆਲ ਵੀ ਇਮੈਜਿਨ ਐਜ਼ ਲਾਈਟ' ਫਿਲਮ ਨਿਰਮਾਤਾ ਪਾਇਲ ਕਪਾਡੀਆ 65ਵੇਂ ਕਾਨਸ ਕ੍ਰਿਟਿਕਸ ਵੀਕ ਵਿਚ ਜਿਊਰੀ ਪ੍ਰਧਾਨ ਵਜੋਂ ਨਿਭਾਏਗੀ ਸੇਵਾ

2 hours 1 minutes ago

ਲਾਸ ਏਂਜਲਸ (ਅਮਰੀਕਾ), 22 ਅਪ੍ਰੈਲ-'ਆਲ ਵੀ ਇਮੇਜਿਨ ਐਜ਼ ਲਾਈਟ' ਲਈ ਜਾਣੀ ਜਾਂਦੀ ਫਿਲਮ ਨਿਰਮਾਤਾ ਪਾਇਲ ਕਪਾਡੀਆ, 65ਵੇਂ ਕਾਨਸ ਕ੍ਰਿਟਿਕਸ ਵੀਕ ਲਈ ਜਿਊਰੀ ਦੀ ਪ੍ਰਧਾਨ ਵਜੋਂ ਸੇਵਾ ਨਿਭਾਏਗੀ।
ਕਪਾਡੀਆ ਦੇ ਨਾਲ ਕੈਨੇਡੀਅਨ ਅਦਾਕਾਰ ਥੀਓਡੋਰ ਪੇਲੇਰਿਨ, ਫਰਾਂਸੀਸੀ ਗਾਇਕ-ਗੀਤਕਾਰ ਓਕਲੂ, ਘਾਨਾ-ਬ੍ਰਿਟਿਸ਼ ਨਿਰਮਾਤਾ ਅਮਾ ਅੰਪਾਡੂ, ਅਤੇ ਪੱਤਰਕਾਰ ਅਤੇ ਬੈਂਕਾਕ ਵਰਲਡ ਫਿਲਮ ਫੈਸਟੀਵਲ ਦੇ ਨਿਰਦੇਸ਼ਕ ਡੋਨਸਾਰੋਨ ਕੋਵਿਟਵਾਨਿਤਚਾ ਜਿਊਰੀ ਵਿੱਚ ਸ਼ਾਮਲ ਹੋਣਗੇ।
ਜ਼ਿਕਰਯੋਗ ਹੈ ਕਿ ਪਾਇਲ ਕਪਾਡੀਆ ਦੀਆਂ ਛੋਟੀਆਂ ਫਿਲਮਾਂ 'ਆਫ਼ਟਰਨੂਨ ਕਲਾਉਡਜ਼' ਅਤੇ 'ਐਂਡ ਵੌਟ ਇਜ਼ ਦ ਸਮਰ ਸੇਇੰਗ' ਨੂੰ ਸਿਨੇਫਾਂਡੇਸ਼ਨ ਅਤੇ ਬਰਲਿਨੇਲ ਵਿਖੇ ਚੁਣਿਆ ਗਿਆ ਸੀ, ਇਸ ਤੋਂ ਪਹਿਲਾਂ ਕਿ ਉਸਦੀ ਪਹਿਲੀ ਫੀਚਰ ਦਸਤਾਵੇਜ਼ੀ 'ਏ ਨਾਈਟ ਆਫ਼ ਨੋਇੰਗ ਨਥਿੰਗ' 2021 ਵਿਚ ਕਾਨਸ ਗਈ ਸੀ।
ਕਪਾਡੀਆ ਸਰਵੋਤਮ ਦਸਤਾਵੇਜ਼ੀ ਲਈ ਲੋਇਲ ਡੀ'ਓਰ ਵੀ ਜਿੱਤ ਚੁੱਕੀ ਹੈ ।

ਉਸਦੀ ਦੂਜੀ ਫੀਚਰ ਫਿਲਮ, 'ਆਲ ਵੀ ਇਮੈਜਿਨ ਐਜ਼ ਲਾਈਟ', 2024 ਕਾਨਸ ਫੈਸਟੀਵਲ ਵਿਚ ਸ਼ਾਨਦਾਰ ਭੂਮਿਕਾ ਵਜੋਂ ਉਭਰੀ।
ਜਿਊਰੀ ਦੀ ਭੂਮਿਕਾ ਨੂੰ ਅਪਣਾਉਣ ਬਾਰੇ ਬੋਲਦਿਆਂ ਕਪਾਡੀਆ ਨੇ ਕਿਹਾ , "ਫਿਲਮ ਫੈਸਟੀਵਲ ਦੀਆਂ ਚੋਣਾਂ ਕਾਰਨ ਇਕ ਫਿਲਮ ਨਿਰਮਾਤਾ ਦੇ ਤੌਰ 'ਤੇ ਮੈਨੂੰ ਸ਼ੁਰੂ ਤੋਂ ਹੀ ਹੀ ਸਮਰਥਨ ਮਿਲਿਆ ਹੈ । ਇਹਨਾਂ ਰਾਹੀਂ, ਮੈਨੂੰ ਦੁਨੀਆ ਭਰ ਦੇ ਆਪਣੇ ਵਰਗੇ ਹੋਰਾਂ ਨੂੰ ਮਿਲਣ ਦਾ ਮੌਕਾ ਮਿਲਿਆ, ਜਿਸਨੇ ਮੈਨੂੰ ਭਵਿੱਖ ਦੇ ਸਹਿਯੋਗੀਆਂ ਦਾ ਇਕ ਭਾਈਚਾਰਾ ਬਣਾਉਣ ਵਿਚ ਮਦਦ ਕੀਤੀ।"
ਦੱਸ ਦੇਈਏ ਕਿ ਕ੍ਰਿਟਿਕਸ ਵੀਕ 13 ਮਈ ਤੋਂ 21 ਮਈ ਤੱਕ ਕੈਨਸ ਵਿਚ ਆਯੋਜਿਤ ਕੀਤਾ ਜਾਵੇਗਾ।