ਚੋਣਾਂ ਲਈ ਕਾਂਗਰਸ ਕਰੋੜਾਂ ਜਾਨਾਂ ਨਾਲ ਖਿਲਵਾੜ ਕਰਨ ਲਈ ਤਿਆਰ- ਮੋਦੀ

ਤਿਰੂਵੱਲਾ, (ਕੇਰਲ), 4 ਅਪ੍ਰੈਲ : ਇਕ ਜਨਤਕ ਇਕੱਠ ਨੂੰ ਸੰਬੋਧਨ ਕਰਦੇ ਹੋਏ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਿਹਾ, "ਚੋਣਾਂ ਜਿੱਤਣ ਲਈ ਅਤੇ ਸਿਰਫ਼ ਮੋਦੀ ਨੂੰ ਗਾਲ੍ਹਾਂ ਕੱਢਣ ਲਈ ਕਾਂਗਰਸ ਪਾਰਟੀ 10 ਮਿਲੀਅਨ ਪ੍ਰਵਾਸੀਆਂ ਦੀਆਂ ਜਾਨਾਂ ਨੂੰ ਖ਼ਤਰੇ ਵਿਚ ਪਾਉਣ ਲਈ ਤਿਆਰ ਹੈ। ਇਸ ਦੌਰਾਨ ਈਰਾਨ ਵਿਚ ਤਾਮਿਲਨਾਡੂ, ਗੋਆ, ਕੇਰਲ, ਤੇਲੰਗਾਨਾ ਅਤੇ ਪੁਡੂਚੇਰੀ ਤੋਂ ਆਏ ਸਾਡੇ ਮਛੇਰਿਆਂ ਦੀਆਂ ਜਾਨਾਂ ਇਸ ਸਮੇਂ ਖ਼ਤਰੇ ਵਿਚ ਹਨ। ਅਸੀਂ ਉਨ੍ਹਾਂ ਨੂੰ ਉਸ ਸੰਕਟ ਵਿਚੋਂ ਕੱਢਣ ਲਈ ਕੰਮ ਕਰ ਰਹੇ ਹਾਂ। ਅੱਜ, ਸਾਡੇ ਸੈਂਕੜੇ ਮਛੇਰੇ ਭਰਾ ਅਤੇ ਭੈਣਾਂ ਭਾਰਤ ਵਾਪਸ ਆਉਣ ਲਈ ਤਿਆਰ ਹਨ। ਸਾਡੇ ਲਈ, ਉਨ੍ਹਾਂ ਦੀਆਂ ਜਾਨਾਂ ਬਹੁਤ ਮਹੱਤਵਪੂਰਨ ਹਨ। ਕਾਂਗਰਸ ਪਾਰਟੀ ਨੂੰ ਅਜਿਹੀ ਸਵਾਰਥੀ ਰਾਜਨੀਤੀ ਵਿਚ ਸ਼ਾਮਲ ਹੋਣ ਲਈ ਕੇਰਲ ਦੇ ਲੋਕਾਂ ਤੋਂ ਮੁਆਫੀ ਮੰਗਣੀ ਚਾਹੀਦੀ ਹੈ।"