ਕੁਝ ਲੋਕ ਮੈਨੂੰ ਬਦਨਾਮ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ: ਦਿਸ਼ਾ ਸਲੀਅਨ ਮੌਤ ਮਾਮਲੇ 'ਤੇ ਬੋਲੇ ਆਦਿੱਤਿਆ ਠਾਕਰੇ

ਮੁੰਬਈ, 3 ਜੁਲਾਈ - ਮੁੰਬਈ ਪੁਲਿਸ ਵਲੋਂ ਬੰਬੇ ਹਾਈ ਕੋਰਟ ਨੂੰ ਦਿਸ਼ਾ ਸਲੀਅਨ ਮੌਤ ਮਾਮਲੇ ਵਿਚ "ਕੋਈ ਗ਼ਲਤੀ ਨਹੀਂ" ਦੱਸੇ ਜਾਣ ਤੋਂ ਬਾਅਦ, ਸ਼ਿਵ ਸੈਨਾ (ਯੂ.ਬੀ.ਟੀ.) ਦੇ ਵਿਧਾਇਕ ਆਦਿੱਤਿਆ ਠਾਕਰੇ ਨੇ ਕਿਹਾ ਕਿ ਕੁਝ ਲੋਕ ਇਸ ਮੁੱਦੇ 'ਤੇ 5 ਸਾਲਾਂ ਤੋਂ ਉਨ੍ਹਾਂ ਨੂੰ ਬਦਨਾਮ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਸਨ।

ਇਸ ਦੌਰਾਨ ਸ਼ਿਵ ਸੈਨਾ ਨੇਤਾ ਅਤੇ ਮਹਾਰਾਸ਼ਟਰ ਦੇ ਮੰਤਰੀ ਦੀਪਕ ਕੇਸਰਕਰ ਨੇ ਦਿਸ਼ਾ ਸਲੀਅਨ ਦੀ ਮੌਤ ਨੂੰ ਲੈ ਕੇ ਆਦਿੱਤਿਆ ਠਾਕਰੇ ਨੂੰ ਫ਼ਿਲਮੀ ਲੋਕਾਂ ਤੋਂ ਦੂਰ ਰਹਿਣ ਦੀ ਸਲਾਹ ਦਿੱਤੀ। ਉਨ੍ਹਾਂ ਅੱਗੇ ਕਿਹਾ ਕਿ ਮਾਮਲੇ ਵਿਚ ਸ਼ੱਕ ਉਦੋਂ ਪੈਦਾ ਹੋਇਆ ਜਦੋਂ ਇਹ ਪਤਾ ਲੱਗਾ ਕਿ ਸੀ.ਸੀ.ਟੀ.ਵੀ. ਫੁਟੇਜ ਗਾਇਬ ਹੈ ।

ਅਸੀਂ ਜਾਂਚ ਵਿਚ ਸ਼ਾਮਿਲ ਕਿਸੇ ਵੀ ਵਿਅਕਤੀ 'ਤੇ ਦੋਸ਼ ਨਹੀਂ ਲਗਾਇਆ ਹੈ। ਹਾਲਾਂਕਿ ਇਕ ਮੁੱਦਾ ਇਹ ਹੈ ਕਿ ਜਦੋਂ ਸੀ.ਸੀ.ਟੀ.ਵੀ. ਫੁਟੇਜ ਗਾਇਬ ਹੁੰਦੀ ਹੈ ਤਾਂ ਸ਼ੱਕ ਪੈਦਾ ਹੁੰਦਾ ਹੈ, ਇਸ ਲਈ ਇਹ ਯਕੀਨੀ ਬਣਾਉਣਾ ਜ਼ਰੂਰੀ ਹੈ ਕਿ ਫੁਟੇਜ ਉਪਲਬਧ ਹੋਵੇ। ਰਾਜਨੀਤੀ ਵਿਚ ਹਮੇਸ਼ਾ ਸਾਫ਼ ਅਕਸ ਹੋਣਾ ਚਾਹੀਦਾ ਹੈ । ਉਨ੍ਹਾਂ (ਆਦਿਤਿਆ ਠਾਕਰੇ) ਨੂੰ ਇਹ ਵੀ ਅਹਿਸਾਸ ਹੋਣਾ ਚਾਹੀਦਾ ਹੈ ਕਿ ਉਨ੍ਹਾਂ ਨੂੰ ਇਨ੍ਹਾਂ ਫ਼ਿਲਮੀ ਲੋਕਾਂ ਤੋਂ ਦੂਰ ਰਹਿਣ ਦੀ ਜ਼ਰੂਰਤ ਹੈ। ਉਨ੍ਹਾਂ ਕਾਰਨ ਉਨ੍ਹਾਂ ਦੀ ਬਦਨਾਮੀ ਹੋਈ ਹੋਈ ।

ਇਹ ਮੁੰਬਈ ਪੁਲਿਸ ਦੁਆਰਾ ਬੰਬੇ ਹਾਈ ਕੋਰਟ ਨੂੰ ਦੱਸੇ ਜਾਣ ਤੋਂ ਬਾਅਦ ਆਇਆ ਹੈ ਕਿ ਦਿਸ਼ਾ ਸਾਲੀਅਨ ਮੌਤ ਮਾਮਲੇ ਵਿਚ ਵਿਸ਼ੇਸ਼ ਜਾਂਚ ਟੀਮ (ਐਸ.ਆਈ.ਟੀ.) ਦੇ ਨਤੀਜੇ ਅਸਲ ਜਾਂਚ ਅਧਿਕਾਰੀ ਦੁਆਰਾ ਕੱਢੇ ਗਏ ਸਿੱਟਿਆਂ ਨਾਲ ਮੇਲ ਖਾਂਦੇ ਸਨ। ਏਐਨਆਈ ਦੀ ਰਿਪੋਰਟ ਅਨੁਸਾਰ 2020 ਵਿਚ 28 ਸਾਲਾ ਸੇਲਿਬ੍ਰਿਟੀ ਮੈਨੇਜਰ ਦੀ ਮੌਤ ਵਿਚ ਗ਼ਲਤ ਖੇਡ ਨੂੰ ਰੱਦ ਕਰ ਦਿੱਤਾ ਸੀ।