ਅਸਾਮ ਵਿਧਾਨ ਸਭਾ ਚੋਣਾਂ: ਈ.ਸੀ.ਆਈ. ਨੇ 5 ਨਵੇਂ ਸੀਨੀਅਰ ਪੁਲਿਸ ਸੁਪਰਡੈਂਟ ਨਿਯੁਕਤ ਕੀਤੇ

ਗੁਹਾਟੀ (ਅਸਾਮ), 16 ਮਾਰਚ (ਏਐਨਆਈ) : ਭਾਰਤੀ ਚੋਣ ਕਮਿਸ਼ਨ (ਈ.ਸੀ.ਆਈ.) ਨੇ ਰਾਜ ਵਿਚ 9 ਅਪ੍ਰੈਲ ਨੂੰ ਇਕ ਪੜਾਅ ਵਿਚ ਹੋਣ ਵਾਲੀਆਂ ਵਿਧਾਨ ਸਭਾ ਚੋਣਾਂ ਦੀ ਤਿਆਰੀ ਲਈ ਅਸਾਮ ਭਰ ਵਿਚ 5 ਸੀਨੀਅਰ ਪੁਲਿਸ ਸੁਪਰਡੈਂਟ (ਐਸ.ਐਸ.ਪੀ.) ਦੀ ਤਾਇਨਾਤੀ ਦਾ ਐਲਾਨ ਕੀਤਾ। ਕਮਿਸ਼ਨ ਨੇ ਨਿਰਦੇਸ਼ ਦਿੱਤਾ ਕਿ ਤਾਇਨਾਤੀਆਂ ਤੁਰੰਤ ਲਾਗੂ ਕੀਤੀਆਂ ਜਾਣ ਅਤੇ ਅਧਿਕਾਰੀਆਂ ਦੀ ਸ਼ਮੂਲੀਅਤ ਬਾਰੇ ਪਾਲਣਾ ਰਿਪੋਰਟ 17 ਮਾਰਚ ਨੂੰ ਜਮ੍ਹਾਂ ਕਰਵਾਈ ਜਾਵੇ।

ਚੋਣ ਸੰਸਥਾ ਨੇ ਅਸਾਮ ਦੇ ਮੁੱਖ ਸਕੱਤਰ ਨੂੰ ਲਿਖੇ ਇਕ ਪੱਤਰ ਵਿਚ ਨਿਰਦੇਸ਼ ਦਿੱਤਾ ਕਿ ਸੋਮਾਲੀਨ ਸ਼ੁਭਦਰਸ਼ਿਨੀ (ਆਈ.ਪੀ.ਐਸ.) ਨੂੰ ਮਜੁਲੀ ਵਿਚ ਐਸ.ਐਸ.ਪੀ. ਵਜੋਂ ਤਾਇਨਾਤ ਕੀਤਾ ਜਾਵੇ; ਆਰ. ਸ਼ੀਤਲ ਕੁਮਾਰ (ਆਈ.ਪੀ.ਐਸ.) ਨੂੰ ਦੱਖਣੀ ਸਲਮਾਰਾ ਵਿਚ ਐਸ.ਐਸ.ਪੀ. ਵਜੋਂ ਤਾਇਨਾਤ ਕੀਤਾ ਜਾਵੇ, ਆਂਚਲ ਚੌਹਾਨ (ਆਈ.ਪੀ.ਐਸ). ਨੂੰ ਸਦੀਆ ਵਿਚ ਐਸ.ਐਸ.ਪੀ. ਵਜੋਂ ਤਾਇਨਾਤ ਕੀਤਾ ਜਾਵੇ; ਸੁਧਾਕਰ ਸਿੰਘ (ਆਈ.ਪੀ.ਐਸ.) ਨੂੰ ਚਿਰਾਂਗ ਵਿਚ ਐਸ.ਐਸ.ਪੀ. ਵਜੋਂ ਅਤੇ ਮੋਹਨ ਲਾਲ ਮੀਨਾ (ਆਈ.ਪੀ.ਐਸ-.2016) ਨੂੰ ਧੇਮਾਜੀ ਵਿਚ ਐਸ.ਐਸ.ਪੀ. ਵਜੋਂ ਤਾਇਨਾਤ ਕੀਤਾ ਜਾਵੇ। ਪੱਤਰ ਵਿਚ ਅੱਗੇ ਕਿਹਾ ਗਿਆ ਹੈ ਕਿ ਬਦਲੇ ਗਏ ਅਧਿਕਾਰੀਆਂ ਨੂੰ ਚੋਣਾਂ ਪੂਰੀਆਂ ਹੋਣ ਤੱਕ ਕਿਸੇ ਵੀ ਚੋਣ ਨਾਲ ਸੰਬੰਧਿਤ ਅਹੁਦਿਆਂ 'ਤੇ ਤਾਇਨਾਤ ਨਹੀਂ ਕੀਤਾ ਜਾਵੇਗਾ।

ਇਸ ਤੋਂ ਇਲਾਵਾ ਇਕ ਵੱਖਰੀ ਨੋਟੀਫਿਕੇਸ਼ਨ ਵਿਚ ਚੋਣ ਸੰਸਥਾ ਨੇ (ਸੇਵਾਮੁਕਤ) ਆਈ.ਏ.ਐਸ. ਮਨਜੀਤ ਸਿੰਘ ਨੂੰ ਅਸਾਮ ਚੋਣਾਂ ਲਈ ਆਪਣਾ ਵਿਸ਼ੇਸ਼ ਆਬਜ਼ਰਵਰ ਨਿਯੁਕਤ ਕੀਤਾ ਹੈ। ਪੱਤਰ ਵਿਚ ਲਿਖਿਆ ਹੈ, "ਤੁਹਾਨੂੰ ਅਸਾਮ ਦੀਆਂ ਵਿਧਾਨ ਸਭਾਵਾਂ ਦੀਆਂ ਆਮ ਚੋਣਾਂ, 2026 ਦੀ ਚੋਣ ਤਿਆਰੀ ਅਤੇ ਸੰਚਾਲਨ ਦਾ ਨਿਰੀਖਣ ਕਰਨ ਲਈ ਸਮੇਂ-ਸਮੇਂ 'ਤੇ ਅਸਾਮ ਦਾ ਦੌਰਾ ਕਰਨ ਦੀ ਲੋੜ ਹੋਵੇਗੀ, ਅਤੇ ਜ਼ਰੂਰੀ ਕਾਰਵਾਈ ਲਈ ਕਮਿਸ਼ਨ ਨੂੰ ਆਪਣੇ ਸੁਝਾਅ ਦੇਣੇ ਪੈਣਗੇ।"