ਨੀਤਾ ਮੁਕੇਸ਼ ਅੰਬਾਨੀ ਨੇ ਨਿਊਯਾਰਕ ਸਿਟੀ ਵਿਚ 3-ਦਿਨਾਂ 'ਇੰਡੀਆ ਵੀਕਐਂਡ' 'ਤੇ ਵਿਸ਼ੇਸ਼ ਸੰਦੇਸ਼ ਕੀਤਾ ਸਾਂਝਾ

ਮੁੰਬਈ (ਮਹਾਰਾਸ਼ਟਰ) ,9 ਜੂਨ (ਏਐਨਆਈ ) - ਨੀਤਾ ਮੁਕੇਸ਼ ਅੰਬਾਨੀ ਕਲਚਰਲ ਸੈਂਟਰ ਸਤੰਬਰ ਵਿਚ ਨਿਊਯਾਰਕ ਸਿਟੀ ਵਿਚ 3-ਦਿਨਾਂ ਸੱਭਿਆਚਾਰਕ ਪ੍ਰੋਗਰਾਮ ਦੀ ਮੇਜ਼ਬਾਨੀ ਕਰਨ ਲਈ ਪੂਰੀ ਤਰ੍ਹਾਂ ਤਿਆਰ ਹੈ। ਰਿਲਾਇੰਸ ਫਾਊਂਡੇਸ਼ਨ ਦੀ ਚੇਅਰਪਰਸਨ ਨੀਤਾ ਅੰਬਾਨੀ ਨੇ ਇਕ ਵਿਸ਼ੇਸ਼ ਵੀਡੀਓ ਸੰਦੇਸ਼ ਸਾਂਝਾ ਕੀਤਾ, ਜਿਸ ਵਿਚ ਲਿੰਕਨ ਸੈਂਟਰ ਵਿਖੇ ਐਨ.ਐਮ.ਏ.ਸੀ.ਸੀ. ਦੇ ਪਹਿਲੇ ਅੰਤਰਰਾਸ਼ਟਰੀ ਪ੍ਰਦਰਸ਼ਨ ਬਾਰੇ ਉਤਸ਼ਾਹ ਪ੍ਰਗਟ ਕੀਤਾ ਗਿਆ। ਉਨ੍ਹਾਂ ਨੇ ਕਿਹਾ ਕਿ ਇਹ ਸਮਾਗਮ ਭਾਰਤੀ ਵਿਰਾਸਤ ਦਾ 3-ਦਿਨਾਂ ਜਸ਼ਨ ਹੈ ਅਤੇ ਭਾਰਤ ਦੀ ਆਤਮਾ ਨੂੰ ਉਸ ਦੀ ਸਾਰੀ ਮਹਿਮਾ ਵਿਚ ਉਜਾਗਰ ਕਰੇਗਾ। ਨਮਸਕਾਰ,ਅਸੀਂ 12 ਤੋਂ 14 ਸਤੰਬਰ ਤੱਕ ਨਿਊਯਾਰਕ ਦੇ ਲਿੰਕਨ ਸੈਂਟਰ ਵਿਖੇ ਨੀਤਾ ਮੁਕੇਸ਼ ਅੰਬਾਨੀ ਕਲਚਰਲ ਸੈਂਟਰ ਇੰਡੀਆ ਵੀਕਐਂਡ ਪੇਸ਼ ਕਰਨ ਲਈ ਬਹੁਤ ਖੁਸ਼ ਅਤੇ ਉਤਸ਼ਾਹਿਤ ਹਾਂ। ਐਨ.ਐਮ.ਏ.ਸੀ.ਸੀ. ਨੂੰ ਨਿਊਯਾਰਕ ਲਿਆਉਣਾ ਸਿਰਫ਼ ਪ੍ਰਦਰਸ਼ਨਾਂ ਦੇ ਇਕ ਵੀਕਐਂਡ ਬਾਰੇ ਨਹੀਂ ਹੈ, ਇਹ ਭਾਰਤ ਦੀ ਸੱਭਿਆਚਾਰਕ ਆਵਾਜ਼ ਨੂੰ ਵਿਸ਼ਵਵਿਆਪੀ ਦਰਸ਼ਕਾਂ ਤੱਕ ਫੈਲਾਉਣ ਅਤੇ ਸੱਚਮੁੱਚ ਭਾਰਤ ਦੇ ਸਭ ਤੋਂ ਵਧੀਆ ਨੂੰ ਦੁਨੀਆ ਤੱਕ ਪਹੁੰਚਾਉਣ ਬਾਰੇ ਹੈ ।