ਇਕ ਹੋਰ ਰੇਲ ਹਾਦਸਾ, ਤੇਲੰਗਾਨਾ ਚ ਮਾਲ ਗੱਡੀ ਪਟੜੀ ਤੋਂ ਉਤਰੀ

 ਪੇਡਾਪੱਲੀ (ਤੇਲੰਗਾਨਾ), 13 ਨਵੰਬਰ - ਪੇਡਾਪੱਲੀ ਜ਼ਿਲ੍ਹੇ ਵਿਚ, ਰਾਘਵਪੁਰਮ ਅਤੇ ਰਾਮਗੁੰਡਮ ਵਿਚਕਾਰ ਇਕ ਮਾਲ ਗੱਡੀ ਪਟੜੀ ਤੋਂ ਉਤਰ ਗਈ। ਦੱਖਣੀ ਮੱਧ ਰੇਲਵੇ ਪੀ.ਆਰ.ਓ.ਨੇ ਦੱਸਿਆ 44 ਡੱਬਿਆਂ ਵਾਲੀ ਮਾਲ ਗੱਡੀ ਲੋਹਾ ਲੈ ਕੇ ਜਾ ਰਹੀ ਸੀ। 44 ਡੱਬਿਆਂ ਵਿਚੋਂ 11 ਡੱਬੇ ਪਟੜੀ ਤੋਂ ਉਤਰ ਗਏ। ਘਟਨਾ ਬੀਤੀ ਰਾਤ ਕਰੀਬ 10 ਵਜੇ ਵਾਪਰੀ। ਇਸ ਦੇ ਚੱਲਦਿਆਂ ਕਰੀਬ 37 ਟਰੇਨਾਂ ਨੂੰ ਰੱਦ ਕਰ ਦਿੱਤਾ ਗਿਆ ਹੈ। ਕਈ ਹੋਰ ਟਰੇਨਾਂ ਨੂੰ ਅੰਸ਼ਕ ਤੌਰ 'ਤੇ ਰੱਦ ਕਰ ਦਿੱਤਾ ਗਿਆ ਹੈ, ਮੋੜਿਆ ਗਿਆ ਹੈ, ਮੁੜ ਨਿਰਧਾਰਿਤ ਕੀਤਾ ਗਿਆ ਹੈ ਜਾਂ ਨਿਯਮਤ ਕੀਤਾ ਗਿਆ ਹੈ।